23 Novanm 2015

Pandan miting ekstraordiner CEPS, ki ti fer Sanmdi le 21 Novanm. en moman spesyal ti ganny dedye pou bann zonm ki osi bann volonter.
Sa i mesaz lir pa Selreter Bord CEPS Madanm Marie-Nella Azemia:

A lokazyon lazournen Enternayonal Bann Zonn ki ti Zedi le 19 novanm, CEPS ek mann Konmisyon Zanr, Drwa Imen ek Governance I sezi sa lokazyon pour swet tou zonm ki manm CEPS ek tou lezot zonm Seselwa, en tre bon lafet. Komisyon I dir ki dousman dousman, I annan plizyer sesyon travay enkli konferans ek dyalog fer par plizyer manm lasoysete sivil, ki pe ganny organize pou sansibiliz e edik bann zonm lo zot rol koman zonm, papa, partner, mari, frer e paran – e pli enportan ankor sesyon lo bann valer lavi ki koman e manm lafanmir I devre ganny servi pou devlop e fer grandi tou manm son prop fanmir.

A sa lokazyon, nou mazin bann zonm ki pa pe arrive zwe zot rol byen, sirtou bann ki’n ganny anvair par lalkol ek drog ek bann ki pe pas zot letan angaz zot dan bann aksyon anti-sosyal.

 

Nou bann mandanm e osi tou lezot manm CEPS, nou’n pran konsyans sa bann sitiasyon ki pa pe ed nou sosyete avanse. Nou pe kontinyen travay ansanm avek bann zonm pou donn sipor kot I neseser ek bokou lankourazman pou sa bann ki pe esey fer gran zefor pou anmenn bon rezilta ek progre dan fanmir. Nou krwar ki san zonm, lafanmir pa konplet e I pa pou zanmen kapab ganny sa rezilta ki en fanmir I devre gannyen.

 

An konklizyon, CEPS ek son manm I swet zot tou en bon lafet e osi bon kouraz.

 

Nou pou touzour reste dans zot kote.